सुदूरपश्चिम प्रदेशको राजधानी धनगढीमा गत बिहीबारदेखि घाम नझुल्किँदा र लगातारको बाक्लो हुस्सु तथा कुहिरोका कारण चिसो निकै बढेको छ। लगातारको शीतलहरले गर्दा यहाँको जनजीवन प्रभावित हुन थालेको छ।
धनगढी र आसपासका क्षेत्रमा आकाश खुलेको छैन। बिहान र साँझको समयमा बाक्लो कुहिरोले सहर ढाक्ने गरेको छ भने दिउँसो पनि घाम नलाग्दा कठ्याङ्ग्रिदो चिसो अनुभव भइरहेको छ।
धनगढीको आजको अधिकतम तापक्रम १७ देखि १९ डिग्री सेल्सियस रहने जल तथा मौसम पूर्वानुमान महाशाखाले जनाएको छ। यस्तै न्यूनतम तापक्रम ७ देखि ९ डिग्री सेल्सियस रहने छ।